एमालेया शीर्ष नेतातपाखें जनजाति नेतात नाप सहलह
नेकपा (एमाले)या शीर्ष नेतात व उगु हे पार्टी आवद्ध जनजाति नेतात दथुइ सहलह जुगू दु । पार्टी ज्याकू बल्खुइ मंगलवाः जुगू उगू सहलहलय् जनजाति नेतातय् मागयात कयाः सहलह जुगू खः ।
एकल जातिय पहिचान दुथ्याःगु संघीयता व न्हु संविधान दयेकेगु निंतिं छु ईया निंतिं जूसां सविधानसभा म्वाःकेत जनजातितय्सं माग यानागु खँ पार्टी उपाध्यक्ष अशोक राई नं कनादिल । एमालेया मू मू नेतानाप जुगू सहलहलय् उपाध्यक्ष राई, राजेन्द्र श्रेष्ठ व मेपिं नेतातय् ब्वति दुगू खः ।
आदिवासी जनजाति नेतात पाखें थःगु माग लिखित कथं तयेगु ज्या जूगु खः । नापं उगू सहलह ज्याझ्वलय् आदिवासी जनजातिया मागत कयाः पार्टी उदाशिन जुल धाःसा पार्टी त्वःतेगु ख्याच्वं तक बिउगु खः । आदिवासी जनजाति नेताय् मागया बारे सहलह यायेत एमाले राष्ट्रिय भेला तक सतेगु ज्या यायेधुंकगु दु ।
