विपक्षीयात क्वःत्यलाःवनेगु माओवादीया रणनीति : एमाले
नेकपा एमालें एकीकृत नेकपा माओवादीं धेबा सत्ता व बन्दुकया बलय् दलतय्त ख्यायेत स्वःगु द्वपं बिउगु दु ।
एमाले केन्द्रीय ज्याकू बल्खुइ च्वंगु स्थायी कमिटिया मुँज्यां न्हापा जुजुं दलतय्त ख्यायेत स्वःथें आः माओवादीं उकथं हे ख्यायेत स्वःगु द्वपं बिउगु खः ।
मुँज्या लिपा संचारकःमितलिसे खँल्हानादिसें वरिष्ठ नेता माधव कुमार नेपालं माओवादीं सहमतिया लँपुयात नालेगु स्वयां विपक्षी दलतय्त क्वःत्यलाः वनेगु व सत्ता कब्जा यायेगु रणनीति कथं हे संविधासभा विघटन याःगु नं धयादिल ।
थ्वहे झ्वलय् वर्तमान संकटया निकासया लागि पार्टीं प्रस्ताव तयार यायेगु व उकियात कयाः सोमवाः च्वनीगु स्थायी समितिया मुँज्याय् सहलह जुइगु नं नेता नेपालं जानकारी बियादिल ।
