न्हूगु बजेटया लागि सहमति आवश्यक
नेपाली कांग्रेसया नेता डा. रामशरण महतं कामचलाउ सरकारयात बजेट हयेगु छुं नं नैतिक अधिकार मदुगु धयादिल ।
नेता डा। महतं राष्ट्रपितं सरकारयात कामचलाउ सरकारया पौ बीधुंकूगुिलं दलतय्गु सहमितं जक बजेट हयेमाःगु धयादिल ।
वय्कलं राष्ट्रिय सहमति मदयेकं न्हूगु बजेट हयेगु कल्पना तकं मयायेत ख्याच्वः बियादिसें आः माओवादी व मधेसी मोर्चां सत्ता कब्जा यायेगु लागि अध्यादेशपाखें बजेट हयेगु तयारी यानाच्वंगु धयादीगु दु । वय्कलं आः सरकार व जनप्रतिनीधित मदुगु अवस्थाय् सत्ता कब्जा यायेत स्वःगु द्वपं बियादिल ।
अथेहे मेगु छगू ज्याझ्वलय् अर्थ सचिव कृष्णहरि बास्कोटां राजनैतिक सहमति मजुइकं न्हूगु आर्थिक वर्षया बजेट मवइगु धयादीगु दु ।
थौं सुथय् नेपालगंजय् आन्तरिक राजस्व ज्याकुिथं ग्वसाः ग्वःगु पत्रकार सम्मेलनय् न्ववानादिसें अर्थ सचिव बास्कोटां बजेट पारित यायेगु लागि बृहत राजनैतिक सहमति जुइमाःगु धयादिल ।
थ्वहे झ्वलय् सचिव बास्कोटां वइगु आर्थिक वर्षया लागि राष्ट्रिय योजना आयोगं अर्थ मन्त्रालययात प्यसः व नीगुंगू अर्बया बजेट फ्रेम बिउगु नं जानकारी बियादिल । उगु बजेट फ्रेम दुने जलविद्युत, पर्यटन, कृषि व पूर्वाधार दयेकेगु लागि आधार दइगु कथं बजेट दयेकीगु धयादिल ।
