पुलाम्ह प्रम थापायात हर्ट अट्याक
पुलाम्ह प्रधानमन्त्री नापं राष्ट्रिय जनशक्ति पार्टीया अध्यक्ष सूर्यबहादुर थापायात हर्ट अट्याक जुयाः अस्पताल भर्ना याःगु दु । नर्भिक अस्पतालय् भर्ना याकूम्ह थापाया स्वस्थ्य् क्रमिक रुपं सुधार जुयाच्वंगु खँ चिकित्सकतय्सं धाःगु दु । वय्कःया नुगःलय् पेसकेमर जडान यानाः भेन्टीलेटरय् तयातःगु दु ।
शनिवाः सुथय् पार्टी ज्याकू सानो गौचरणय् जुयाच्वंगु मुँज्याया इलय् वय्कः बेहोस जुयादीगु खः । शुक्रवाः जक येँय् खुल्लामञ्चय् जूगु आमसभाय् वय्कलं सम्बोधन यानादीगु खः ।
