थारु आन्दोलनय् मदुम्ह थनेतयात सहिद घोषणा
सरकारं थारु आन्दोलनया झ्वलय् प्रहरीया गोलीं लानाः मदुम्ह धनबहादुर थारु थनेतयात सहिद घोषणा याःगु दु ।
मन्त्रिपरिषद्या बिहीवाः च्वंगु मुँज्यां थनेतयात सहिद घोषणा यायेगु नापं वय्कःया छेँजःयात झिगु लख राहत उपलब्ध याकेगु निर्णय याःगु दु । वंगु चैत २७ गते थारु समुदायं याःगु आन्दोलनय् गोलीं लाम्ह खनेतया येँया शिक्षण अस्पतालय् वासः याकेगु झ्वलय् बुधवाः मदुगु खः ।
थ्वहे दथुइ मन्त्रिपरिषदया मुँज्यां गोरखापत्र संस्थानया अध्यक्ष रामकिशोर सिंहयात पदमुक्त याःगु दुसाः सेनाया सहायक रथी सुरेन्द्रबहादुर कार्कीयात उपरथीइ बढुवा याःगु दु ।
