प्रकोप व्यवस्थापन तालिम
ख्वप (सन्ध्या टाइम्स) / ख्वप आदर्श सामुदायिक अध्ययन केन्द्रयात भुखाय् ब्वइगु इलय् बचे जुइगु लगायत थीथी कथं जुइफइगु प्रकोप व्यवस्थापन सम्बन्धी तालिम जुल । ख्वप नगरपालिकाया कार्यकारी अधिकृत हरिलोचन शर्मां उगु तालिमया उलेज्या यानादीगु खः । ठमेलय् च्वंगु होटेल मनाङ्गय् जूगु ज्याझ्वलय् जापानया स्वयम सेवक मसाकियो मुरारीपाखें जापानय् प्रकोप व्यवस्थापन यायेत जुयाच्वंगु थीथी ज्याझ्वःया बारे ध्वाथुइकादीगु खः ।
ज्याझ्वलय् जापानी स्वयम सेवक योको साइटोपाखें सन् १९९९ निसें न्ह्याका वयाच्वंगु प्रकोप व्यवस्थापनया थीथी पक्षयात कयाः ध्वाथुइकादीगु खः । ज्याझ्वलय् धनुषा राजविराज नगरपालिकाय् नीस्वंगु प्रकोप व्यवस्थापन समितिया अधिकृत प्रा. केशव पहाडीं विकास लिसें विनास नं वये फुगु कारणं प्रकृतियात गौण याये मजिउगु खँ कनादिल ।
