आदिवासी न्ह्याकल भण्डाफोर ज्याझ्वः
आदिवासी जनजाती महासघंया ग्वसालय् शनिवाः यलया कात्ति दबूलि संविधानसभा विघटन यायेत भुमिका म्हितुपिं दल व दलया नेता सघ संस्थातय्तं स्थानीय तहतक भण्डाफोर यायेगु ज्या न्ह्याकेगु ज्या जूगु खः ।
राप्रपा नेपाल, राष्ट्रिय जनमोर्चा, नेमकिपा, नेकपा (माले), राष्ट्रिय प्रजातन्त्र पार्टी संघीयता विरोधी दलत जूगु धासें जनजाति नेतातय्सं नेपाली कांग्रेस व एमालेया मू मू नेतातय्सं जातिय पहिचान दुथयाःगु संघीयताया विरोध याःगु न्ह्यःथंगु खः ।
संबिधानसभा विघटन याना आदिवासी जनजाती, मधेसी, महिला, मुस्लिम, अपाङ्ग, उत्पीडित वर्ग समुदाय व दलितय्गु अधिकार न्हुँगु सविधानलय् सुनिश्चित मयायेत संविधानसभा विघटन संघीयताया विरोधीतय्सं याःगु न्ह्यःथंगु दु ।
उगु भण्डाफोर ज्याझ्वः नेपाः मुक्ति मोर्चाया नायः पवन श्रेष्ठया नायःसुई न्ह्यागु खः । नापं उगु ज्याझ्वलय् राम कृष्ण झा, सुरेश आले मगर, परशुराम, राजकुमार लेखी, इन्द्र ब गुरुङ, अतल मान राई, मंगल महर्जनतय्गु ब्वति दुगु खः ।
