पार्टी एकताया खिपः चब्बुइधुंकल : नेता झा
नेकपा (एमाले)या आदिवासी जनजाती नेतातय्सं पार्टी एकताया खिपः चब्बुइधुंकूगु धाःगु दु ।
पार्टी केन्द्रीय ज्याकू बल्खुइ शनिवाः च्वंगु पोलिटब्यूरो मुँज्याय् आदिवासी जनजाति नेतातय्गुपाखें धारणा तयादिसें नेता रामचन्द्र झां पार्टीयात कयाः दयाच्वंगु विश्वास मदयेधुंकूगु धयादीगु दु । वय्कलं पार्टी एकताया लागि छुं सूत्रत दुगु खःसा ज्वनाः वयेत नं नेतातय्त इनाप यानादिल ।
नेता झां केन्द्रीय कमिटिया मुँज्यां याइगु क्वःछिनाया लिधंसाय् थःपिं न्ह्याःवनेगु धयादिसें कन्हय् निसें न्ह्याइगु केन्द्रीय समितिया मुँज्याय् तकं ब्वति मकायेगु धयादिल ।
न्वकू अशोक राई लिसेंया आदिवासी जनजाति नेतातय्सं धाःसा मुँज्या बहिष्कार याःगु खः ।
