वर्तमान सरकार विरुद्ध कुहांवयेत कोइरालाया उजं
नेपाली कांग्रेसया सभापति सुशिल कोइरालां असंवैधानिक कथं संविधानसभाया विघटन यानाः देय्यात अस्थिरतापाखे घ्वाना छ्वयेगु दुष्प्रयास याःगु वर्तमान सरकारया विरुद्ध कुहांवयेत पार्टी नेता नापं कार्यकर्तातय्त उजं बियादीगु दु ।
शनिवाः महाराजगंजय् च्वंगु थःगु हे छेँय् उपस्थित जुयादीपिं केन्द्रीय दुजःत नापं कार्यकर्तातय्त सभापति कोइरालां उकथं उजं बियादीगु खः ।
एनेकपा (माओवादीं) गुकथं थःगु निर्णय क्वचिंकेत स्वःगु खँया पुष्टि संविधानसभाया विघटनपाखें जूगु धयादिसें सभापति कोइरालां अजाःगु हाथ्याः न्ह्याथेयानाः नं सामना यायेगु लागि मेमेगु दलतलिसें नं समन्वय यानाः न्ह्यज्यायेत नेता नापं कार्यकर्तातय्त उजं बियादिल ।
