समस्याया निकास मालेत राष्ट्रपतिपाखें इनाप
राष्ट्रपति डा. रामवरण यादवं याकनं स्वयां याकनं सहमति दयेकाः समस्याया निकास मालेत दलतयेत इनाप यानादीगु दु ।
राष्ट्रपति डा. यादवयात नापलायेत शीतल निवास थ्यंकादीम्ह नेकपा (एमाले)या नायः झलनाथ खनालयात वय्कलं उगु खँ धयादीगु खः । थ्वहे झ्वलय् राष्ट्रपति डा. यादवं नेपाःमितय्गु आन्दोलनपाखें प्राप्त जूगु लोकतन्त्रयात संस्थागत यायेत नं दलत छप्पँ छधी जुयाः न्ह्याःवनेगुया विकल्प मदुगु धयादिल ।
लिसलय् एमाले नायः खनालं थःपिं सहमतिया लागि न्ह्यज्याना च्वनागु व उकियात ग्वाहालि यायेत नं राष्ट्रपतियात इनाप यानादिल ।
