दलत सत्ताय् केन्द्रीत जूगुलिं संविधान दयेकेमफूगु : राष्ट्रपति
राष्ट्रपति डा. रामवरण यादवं जाति व धर्मया नामय् नागरिकत विभाजित जुजुं वनाच्वंगु धयादिसें गम्भीर चिन्ता प्वंकादीगु दु ।
शीतल निवासय् मधेसया नागरिक न्ह्यलुवाः नापं अधिकारकःमित, पत्रकार व कानून व्यवसायीतलिसे शुक्रवाः नापलायेगु झ्वलय् राष्ट्रपति डा. यादवं जातीय हिंसा जुइफइगु धासें चिन्ता प्वंकादीगु खः ।
संविधानसभाया विघटन लिपा अन्यौलया लकस ब्वलंगु व नागरिकत धर्म व जातया नामय् विभाजित जुइगु शुरु जूगुलिं चिन्ता प्वंकादिसें राष्ट्रपति यादवं दलतय्सं थः अनुकूल नागरिकय् भ्रम ब्वलंकूगुलिं देश गम्भीर दुर्घटना जुइफइगुपाखें सचेत यानादिल । राष्ट्रपति यादवं दलत संविधान स्वयां सत्ताय् केन्द्रीत जूगुलिं संविधान दयेके मफूग धयादिसें असन्तुष्टि प्वंकादिल ।
राष्ट्रपतिं संविधानसभाया विघटन प्रकृया स्वयां पिने वनाः जूगु धकाः नं टिप्पणी यानादीगु खँ सीदुगु दु ।
