'पार्टी त्वःतीपिंत नेपाः पार्टीइ लसकुस'
संविधानसभा भंग जुइवं न्हूगु जनादेश कायेगु लागिं सरकारं मंसिर ७ गते चुनाव यायेगु धकाः याःगु घोषणायात नेपाः राष्ट्रिय पार्टीं समर्थन याःगु दु । नेपाः पार्टीया प्रवक्ता किरणा शाक्यं बिहीवाः छगू वक्तव्य पिथना उगु खँ न्ह्यथंगु खः ।
लिसें आः जुइगु चुनावय् छगू जक जातिया बर्चश्व दुगु पार्टीइ लगे जुयां नेवाःतय्सं चाहना यानाच्वंगु नेवाः स्वायत्त राज्य मवइगु जूगुलिं थीथी राजनीतक पार्टीइ आवद्ध जुयाच्वंपिं नेवाः नेता व कार्यकर्तातय्त आः नेपाः राष्ट्रिय पार्टीइ गोलबद्ध जुइत नं आव्हान याःगु दु ।
