सर्वोच्चया न्यायाधीश बमया हत्या, नेपालवाद एनजेएसएसए पार्टीया ल्हाः दुगु शंका

अज्ञात पुचःया गोलीं कयाः घाःपा जुम्ह सर्वोच्च अदालतया न्यायाधीश रणबहादुर बम मन्त । येँया शंखमुल लिक्कया युएन पार्क नापं अदालतया न्यायाधीश रणबहादुर बमयात पल्सर मोटरसाइकलय् वःपिं अज्ञात मनूतय्सं गोली कयेकूगु खः । घटनाय् लानाः वय्कःया अंगरक्षक महेश गिरी घाःपाः जूगु खःसा वय्कःया अवस्था नं गम्भीर दुगु खँ धाःगु दु ।

न्यायाधीश बमयात गःपतय् व जँय् यानाः प्यँगः गोली लाःगु खः । घटनास्थलया नापं छगू पर्चा नापं लुइकूगु दु । नेपाल एनजेएसएसए पार्टीया संयोजक अमर नेपालया नामं च्वयातःगु पर्चा लुयावःगु खः ।