'संविधानसभा विघटन नेपाःया इतिहासया छगू कलंक'
नेवाः स्वायत्त राज्य मंकाः संघर्ष समितिं २०६९ जेठ १४ गते न्हूगु संविधान जारी मयासें जनताया अपेक्षा अःख गु कथं संविधानसभाया विघटन यात उगु ज्या नेपाःया इतिहासया हे कलंक जूगु खँ धाःगु दु ।
संघर्ष समितिया नायः दिलिप महर्जनं मंगलवाः छगू विज्ञप्ति पिथनाः संविधानसभा विघटन लिपा देशय् छु नं कथंया राजनीतिक ऋक्तता व अस्थीरता ब्वलंसाः उकीया जिम्मा देय्या प्रमुख राजनीतिक दलत व उकीया नेतृत्वपंक्तिं कायेमाःगु खँ न्ह्यथनातःगु दु ।
पुरातनपन्थी, प्रतिगामि व संघीयता विरोधी राजनीतिक दल व उकीया नेतृत्वया षडयन्त्रया हुनिं देय् व जनता प्रति गैरजिम्मेवारी चरित्रं संविधानसभायात परिणाम रहित अवस्थाय् विघटन यायेगु ज्या प्रति फुक्कं नेवाः समुदाय व संघर्ष समितिया घोर विरोध दुगु खँ विज्ञप्तिइ न्ह्थयनातःगु दु ।
थज्याःगु संघीन अवस्थाय् राजनीतिक निकास बिइगु वैधानिक लंपु धइगु जनताय् वनाः न्हूगु निर्वाचन यायेगु खः धासें समितिं न्हूगु निर्वाचनपाखें संविधानसभायात पुनःस्थापित यानाः पहिचान सहितया संघीय नेपाःया संविधान निर्माण यायेत नं माग यानातःगु दु ।
