बृहत् मोर्चां यादव व भण्डारीयात करवाही यायेगु ख्याच्वः
बृहत्त मधेसी मोर्चाया संयोजक उपेन्द्र यादव व शरदसिंह भण्डारी सहितया नेतातय्तं मोर्चाया नियम अःख वनाः ज्या यानाच्वंगु धासें अज्याःपिं नेतातय्त कारवाही यायेगु ख्याच्वः बिउगु दु ।
मोर्चानाप आबद्ध एनेकपा (माओवादी)या नेता प्रभु साहं बृहत् मोर्चाया नियमयात हाचांकया वनीपिंत मोर्चाया मुँज्या च्वनाः कारवाही यायेगु खँ कनादिल । साहं पिथनादीगु विज्ञप्तिइ मोर्चा दुने च्वंपि छु छु व्यक्तितय्सं संघीय विरोधी नेपाली कांग्रेस व नेकपा (एमाले)नाप सहकार्य यानाच्वंगुलिं इपिं मोर्चापाखें स्वतः बर्खास्त जूगु तकं कनादिल ।
यादव व भण्डारी बृहत् मधेशी मोर्चाया सहमति मकासें जेठ १४ गते बहनी संघीयताया विरोधी दलत कांग्रेस, एमाले, राष्ट्रिय जनशक्ति पार्टी नापं राष्ट्रपति थाय् वनाः द्वैध चरित्र क्यंगु खँ विज्ञप्तिइ न्ह्यथनातःगु दु ।
