हाकुगु कापः चिना ब्वंकीगु
यें (सन्ध्या टाइम्स) / नेपाल शैक्षिक गणतान्त्रिक माचं थिनंनिसें देय्या फुक्कं स्कूलय् हाकुगु ध्वाँय् ब्वयेकेगु व ल्हातय् हाकुगु कापः चिनाः ब्वंकीगु जूगु दु । नेपाल शैक्षिँक गणतान्त्रिक शिक्षक युनियन व सरकार दथुइ जूगु सहमतियात सरकारं कार्यान्वयन मयाः धासें शिक्षकतय्सं थ्व आन्दोलन शुरु याःगु खः । शिक्षकतय्सं थ्वहे जेठ मसान्त तक हाकुगु कापः चिनाः ब्वंकी ।
शिक्षकतय्सं अस्थायी व करारय् नियुक्ति जुयाच्वंपिं शिक्षक तय्त स्थायी यायेमाःगु निजी स्कूलया शिक्षकतय्त सरकारी सरह तलब भत्ता बीमाःगु माग यासें आन्दोलन याना वयाच्वंगु खः । उखे संस्थागत विद्यालयतय्सं धाःसा थःपिंसं सरकारी सुविधा सहर तलब भत्ता बी फइ मखु धयाच्वंगु दु ।
