बन्दया झ्वलय् घाःपा जूपिं व ज्वनायंकूपिंत सम्मान
नेवाः स्वायत्त राज्य मंकाः संघर्ष समितिं नेवाः स्वायत्त राज्य प्राप्तिया निंतिं स्वन्हुन्यंक जूगु नेपाल बन्दया झ्वलय् घाःपा जूपिं व ज्वनायंकूपिंत सम्मान यात ।
संघर्ष समितिया ग्वसालय् शनिवाः त्रिपुरेश्वरया वल्ड ट्रेड सेन्टरय् जूगु ज्याझ्वलय् आपालं ज्वनायंकूपिं वः घाःपा जूपिंत सम्मान याःगु खः । सभासद् दिलिप मर्हजनया नायःसुइ जूगु ज्याझ्वलय् ज्यापु समाज यलया न्वकु मंगल महर्जनं लसकुस यानादीगु खः ।
अथेहे ज्याझ्वलय् आन्दोलनया झ्वलय् ल्हातय् गोलीं लानाः घाःपा जुयादिम्ह तीर्थलाल महर्जनं नं थःगु नुगः खँ प्वंकादीगु खः ।
