जनजातितय्सं संविधानसभा घेराउ व सतक प्रर्दशन याइगु
आदिवासी जनजाति संयुक्त संघर्ष समितिं जेठ ६ गतेया जनप्रर्दशन व जेठ ७, ८ व ९ गतेया नेपाल बन्दयात ऐतिहासिक जूगु निष्कर्ष पिकाःगु दु । बन्द लगायतया पूर्व निर्धारित ज्याझ्वःया समिक्षा यासें संघर्ष समितिं जेठ १४ गते तकया न्हूगु ज्याझ्वः घोषणा याःगु दु ।
समितिं जेठ ७, ८ व ९ नेपाल बन्द पूर्ण सफल जूगु, आदिवासी जनजातिया ऐतिहासिक आन्दोलन व नेपाःया सन्दर्भय् जनआन्दोलनया मेगू ब्वः कथं परिभाषित याःगु दु । नापं आन्दोलनया सवल पक्षत पूँजीकृत यायेगु व कमिकमजोरयात सुधार यायेगु प्रतिवद्धता नं समितिं प्वंकूगु दु ।
संविधानसभा घेराउ ज्याझ्वः
नेपाल सरकार व आदिवासी जनजाति संयुक्त संघर्ष समिति नाप जूगु ९ बुँदे सम्झौता कार्यान्वयन यायेमाःगु नापं जेठ १४ गतेया दुने हे जातिय पहिचान सहितया आधारय् राज्य पुनर्संरचना यायेमाःगु माग यासें समितिं जेठ १३ व १४ गते संविधानसभा घेराउ व स्वनिगः पिने जनप्रर्दशन यायेगु निर्णय याःगु दु ।
