मठया ७० विघा जग्गा व्यक्तिया नामय्
वीरगंज (सन्ध्या टाइम्स) / पर्साया सूरजहा गाविसया छम्ह मनुखं मठया नामय् दुगु ७० विघा जग्गा किर्ते यानाः थःगु नामय् याःगु दु ।
पर्साय् जूगु छगू साक्षात्कार ज्याझ्वलय् रुपेशकुमार पाण्डे नांया उम्ह मनुखं राधाकृष्ण कटिमठया उगु ७० विघा जग्गा किर्ते यानाः प्रमाण दक्वं चूलाकाः थःगु नामय् याःगु खः ।
उगु साक्षात्कार ज्याझ्वलय् न्ववासें मठ व्यवस्थापन समितिया नायः दिनानाथ प्रसाद शाहं दँय् झण्डै झिगू लाख आम्दानी जुइगु उगु जग्गा पाण्डें थःगु नामय् याःगु जानकारी बियादीगु खः ।
पाण्डें उगु जग्गा थःगु नामय् यायेत गुथि संस्थानया केन्द्रीय ज्याकू धार्मिक व्यवस्थापन शाखाय् निवदेन तयाः न्हूगु व्यवस्थापन समिति गठन जूगु जानकारी बिउगु खः ।
