बन्दया निन्हुगु दिन शान्तिपूर्ण
आदिवासी जनजातितय्स यानाच्वगु स्वन्हुया बन्दया झ्वलय् थौ निन्हुगु दिन म्हिगःया तुलनाय् शान्तिपूर्ण जुयाच्वगु दु । नेपाः न्यंकंया थीथी थासय् स्वतःस्फुर्त रूपं जुलुश पिदनाच्वगु दुसा गनं गनं सामान्य झडप नं जूगु दु ।
बन्दया झ्वलय् यलया मंगलय् छगः मोटरसाइकलय् तोडफोड जूगु दुसा ल्हुतिइ प्रहरीलिसे सामान्य झडप जूगु दु ।
किपुलिइ नं जुलुस
'' झिंछगू प्रदेश मानेयाये मखु, नेवाः राज्य त्वःते मखु'', ''नेवाःत दक्व कुहाँ वये माल, नेवाः राज्य हये माल…'' आदि नारात थ्वयेकुसे थौं नं किपुलिइ जुलुस पिदन। लोकतान्त्रिक चोकं न्ह्याःगु थुगु जुलुस किपू देय् चाःहिउगु खः।
जुलस बाघभैरव थ्यंकाः कोण सभा नं जूगु खः। सभाय् नेवाः न्ह्यलुवा नजरराम महर्जन, वज्रमुनी वज्राचार्यं नेवाः राज्य हयेगुलि नेवाःत सुं नं लिमच्यूसे न्ह्यज्यायेत इनाप यासें थ्व आन्दोलन नेवाः राज्य प्राप्तिया लागि निर्णायक जुयाच्वंगु धयादिल।
