संचार माध्यमं पितबिउगु सीमांकन गलत : प्रचण्ड
एकीकृत नेकपा माओवादीया नायः पुष्पकमल दाहाल प्रचण्डं संविधानसभाया राज्य पुनःसंरचना सम्बन्धि समिति व उच्चस्तरीय सुझाव आयोगया प्रतिवेदनया लिधंसाय् ११ गू प्रदेशया नामाकरण व सीमांकन जुइगु धयादीगु दु ।
पार्टी ज्याकू पेरिसडाँडाय् बुधवाः च्वंगु संस्थापन पक्षया केन्द्रीय समितिया मुँज्याय् नायः प्रचण्डं उगु खँ धयादिसें थी थी संचार माध्यमं पितबिउगु सीमांकन गलत जूगु नं स्पष्ट यानादिल ।
नायः प्रचण्डया धापूयात न्ह्यथनादिसें पार्टी प्रबक्ता दीनानाथ शर्मां विषयगत समिितं तयार याःगु प्रतिवेदनयात अस्वीकार यायेगु धयागु संविधानसभायात हे मानेमयायेगु जुइ धयादिल ।
दलत दथुइ जूगु सहमतियात प्रष्ट यायेमफूगुिलं आदिवासी जनजाति व मधेसी समुदायपाखें विरोध वयाच्वंगु धयादिसें सहलह लिपा विवाद अन्त्य जुइगु नं प्रबक्ता शर्मां दावी यानादिल ।
माओवादी नायः प्रचण्डं मिश्रित शासकीय स्वरुपय् मू कार्यकारी अधिकार प्रत्यक्ष निर्वाचित जूम्ह राष्ट्रपतिइ जुइगु धयादिल । जनतापाखें निर्वाचित जूम्ह निरंकुश जुइमफइगु दावी यानादिसें प्रत्यक्ष निर्वाचित जूम्ह कार्यकारीयात अधिकार मबीगु जनमतया अपमान जुइगु नं धयादिल ।
