जेठ ३ गते सिठी जुलुस पिकाइगु
अखण्ड सुदुरपश्चिमया नांम्ह पहिचान विरोधी शक्तितय्सं जातीय पहिचानया आधारय् राज्य पुनर्संरचना मबिइगु षड्यन्त्र यानाच्वंगु धासें आदिवासी जनजाती संयुक्त संघर्ष समितिं उकीया विरोधय् आन्दोलन याइगु जूगु दु । नापं जुजुवादी व हिन्दू अतिवादीतय्सं उगु अखण्डताया नांमय् देशय् हिंसा ब्वलंकेगु कुताः यानाच्वंगु द्वपं नं बिउगु दु ।
थ्वहे झ्वलय् पहिचान सहितया संघीयताया निंतिं दबाव बिइत संयुक्त संघर्ष समितिया ग्वसालय् जेठ ३ गते विसाल सिठी जुलुस यायेगु घोसणा याःगु दु । संविधानसभा केन्द्रीत सिठी जुलुसलय् ब्वति कायेत आदिवासी जनजाती संयुक्त संघर्ष समिति व नेवाः स्वायत्त राज्य मंकाः संघर्ष समिति इनाप याःगु दु ।
पुलांगु बानेश्वरं न्ह्याइगु उगु सिठी जुलुस न्हिनेसिया २ बजे न्ह्याइगु खँ नेवाः देय् दबूया नायः नेरश ताम्राकारं धायादीगु दु । उगु जुलुस नेवाः स्वायत्त राज्य मंकाः संघर्ष समिति व जाति खंल पुचया नेतृत्वय् न्ह्याइ ।
