'पहिचान मदुगु ११ प्रदेशया प्रस्ताव स्वीकार्य जुइमखु'

पहिचान मदुगु ११ प्रदेशया प्रस्ताव स्वीकार्य मजुइगु खँ नेपाल आदिवासी जनजाति महासंघं न्ह्यथंगु दु । महासंघं छगू विज्ञप्ति पिथंसें प्यंगू राजनीतिक शक्तित जक जानाः याःगु पहिचान मदुगु ११ प्रदेशया निर्णय तत्काल लितकायेत नं माग याःगु दु । थुगु निर्णय लित मकाःतले सतक संघर्ष न्ह्याकाच्वनीगु खँ नं विज्ञप्तिइ न्ह्यःथनातःगु दु । विरोध कथं 'जातीय पहिचान हुइ दइमफु' धकाः च्वयातःगु हाकुगु ब्यानर दक्वं आदिवासी जनजाति संघसंस्थाय् तयेगु, चक्काजाम, विज्ञप्ति पिथनेगु, कोणसभा नापं भु थाना विरोध या ज्याझ्व: न्ह्याइगु विज्ञप्तिइ न्ह्यथनातःगु दु ।