७, ८, ९ बन्दया तयारी तीव्र

जातिय स्वशासनया माग यासें नेवाः लगायत आदिवासी जनजातितय्सं जेठ ७, ८ व ९ गते घोषणा यानातःगु बन्द सफल यायेत निंतिं तीव्र रूपं तयारी न्ह्याःगु दु । बन्दया छन्हु न्ह्यः जेठ ६ गते नेवाःतय्सं येँया खुलामञ्चय् छगू तःजिगु सभा याइगु जूगु दुसा वकुन्हु हे जनजातितय्सं रिंगरोड घेराउ यायेगु ज्याझ्वः तःगु दु ।

बन्द प्रचारप्रसारया लागि ३ गते स्वनिगलय् सिठ्ठी पुयाः जुलुस पिकायेगु ज्याझ्वः दयेकूगु दु । अथे हे जेठ ४ गते नेवाः ल्याय्‌म्हतय्‌सं येँय् मार्चपास यानाः प्रदर्शन यायेगु खँ धाःगु दु। बन्द प्रचार यायेत ५ गते बसन्तपुलिं छगू मोटरसाइकल र्‍याली नं पिकायेत्यंगु दु।