संघियतायात विकृत मदयेकेत आग्रह
वंगु बाःछिंनिसें सुदुरपश्चिम बन्दं जनताया वास्तविक मागयात बेवस्ता याःगुप्रति संघियतायात विकृत दयेकूगु धासें सरकारयात सचेत जुइत एकीकृत नेकपा (माओवादी) या सेती महाकाली राज्य समितिं इनाप याःगु दु । सोमबाः छगू पत्रकार सम्मेलनलय् माओवादीया सेती महाकाली राज्य समितिया इन्चार्ज धर्मेन्द्र बास्तोलां निरर्थक बन्दया आह्वानं जनतायात सास्ती यानाच्वंगु कनादिल ।
इन्चार्ज बास्तोलां पार्टिया आधिकारीक धारणा कथं सात जिल्ला दुथ्याका सेती महाकाली प्रदेश व कैलाली कञ्चनपुरयात थरुहत राज्यलय् दुथ्याके माःगु जिकिर यानादिल । अथेहे कर्णाली स्वायत्त सङ्घर्ष समितिं सङ्घीयताया नांम्ह देसव्यापीरुपं जुयाच्वंगु विरोधप्रति आपत्ति प्वकादिल । नेपाल छगू बहुभासिक व बहुसांस्कृतिक देय् जुगुलिइ थ्वहे आधारं जातीय सद्भाव कायम यायेत फइगु व दक्वं वर्ग क्षेत्रयात अधिकार सम्पन्न याइबले सुनां नं सुयागु अधिकार कायेमजिइगु खँ सङ्घर्ष समितिं कनादिल ।
