बौद्धय् नेपाः पार्टी
यें (सन्ध्या टाइम्स) / नेपाः राष्ट्रिय पार्टीया येँय् बौद्ध कचा गठन जूगु दु । म्हिगः स्थानीय नेवाः कार्यकर्ता मदन शाक्यया अध्यक्षताय् च्वंगु मुँज्यां दिपेन्द्र चरण श्रेष्ठया संयोजकत्वय् कचा स्वंगु खः । उकी हेमन्त शाक्य राजेन्द्र श्रेष्ठ निर्मला श्रेष्ठ व धर्मदास श्रेष्ठ दुजः कथं च्वनादीगु दुसा माधव स्यस्यः व मदन शाक्य सल्लाहकार जुयादीगु दु । ज्याझ्वलय् पार्टीया केन्द्रीय न्वकु नरेश वीर शाक्य मूछ्यांज्ये विजय सैंजु व प्रवक्ता किरण शाक्यं अन वःगु न्ह्यसःया लिसः बियादीगु खः ।
