द्योला समाज पाखें आदिवासी जनजाति सभासद ककसयात ध्यानाकर्षण
आदिवासी जनजाति सभासद् ककसयात द्योला समाजं द्योला व पोडेयात दलित समुदाय दुने समावेश याःगु धासें आदिवासी जनजाति सभासद ककसया ध्यानाकर्षण याःगु दु ।
व्यवस्थापिका संसदं बहुसंख्यक नेवाःतय्या भावना विपरित द्योला व पोडेयात दलितय् सुचिकृत याःगु खँ समाजया नायः माइला बाबु द्योलां कनादिल । नापं सिमित स्वार्थी व्यक्तिया धापुयात कया द्योला व पोडेयात दलितय् दुथ्याकल धासें थुकीं लाकीगु लिंच्वःया जिम्मेवार व्यवस्थापिका संसद व राजनीतिक दलत जुइगु खँ नं माइला बाबु द्योलां कनादिल ।
वय्कलं द्योला व पोडेतय्गु पहिचान धाःगु नेवा हे जूगु धयादिसें नेवाः दुने गुगुं कथंया दलितत मदुगु न्ह्यःथनादिल ।
