न्हापांगु मिस ज्यापुया अडिसन क्वचाल
Posted on Sat May 12, 2012 10:35 pm NST
नासः मण्डलया ग्वसालय् जुइत्यंगु 'न्हापांगु मिस ज्यापु ब्युटी पेजेन्ट'या अडिसन राउण्ड थौं येँ क्वचाःगु दु । मुक्कं स्वीनिम्ह ज्यापु मयजुपिंसं अडिसन राउण्डय् ब्वति कयादीगु खः ।
लोकंह्वाःम्ह किपालुमि भाजु राजभाई सुवाल, ज्यापु संस्कृति कोषया नायः भाजु चक्रमान डंगोल, कलाकार भिंतुना जोशी, अलिना शाक्यपिं निर्णायक जुयादीगु थुगु 'मिस ज्यापु ब्युटी पेजेन्ट'या थौंया अडिसन राउण्डय् ग्वसा:खलःया नायः भाजु महेन्दराज डंगोल, नेप्लिज काउन्सिलया कार्यकारिनी निर्देशक भाजु दिपेन्द्ररत्न शाक्यया नं उपस्थित जुगु खः ।
थुकीया विजंकासा थ्वहे २०६९ जेष्ठ २७ गते राष्ट्रिय नाचघरय् जुइगु खः ।
Related Stories
मिस ज्यापुया अडिसन कन्हय् मिस ज्यापु ब्यूटि पेजेन्ट २०१२ जुइगु
