मिस ज्यापुया अडिसन कन्हय्
नेवाः समुदायया ज्यापु जाति दुनेया झिंच्यादँनिसें नीप्यदँ तकयापिं मय्जुपिनि दथुइ जुइगु मिस ज्यापुया अडिसन कन्हय जुइगु जूगु दु ।
नासः मण्डल थँहितिया ग्वसालय् जुइगु थुगु ब्यूटी पेजेन्टय् स्वीन्याम्ह ज्यापु मय्जुपिंसं फाराम दुथ्याकूगु दु । ज्यापु जातिया मय्जुपिनिगु व्यक्तित्व विकासयालिसें प्रतिभा प्रस्फुटन याकेगु दबू कथं जुइगु ब्यूटी पेजेन्टं ल्यःपिंत जेष्ठया न्हापांगु वालंनिसें स्वंगू वाःतक प्रशिक्षण न्ह्याइगु ग्वसाखलःया नायः भाजु महेन्द्रराज डंगोलं नेपालमण्डल डटकमयात जानकारी व्यूगु दु ।
नेवाः भाय्, कला, तजिलजिलिसें पशुपालन, खेति किसान, बाजं, म्ये, प्याखं व परम्परागत नेवाः कासा व थाय्या समेत जानकारी बीगु थुगु ब्यूटी पेजेन्टया बिजंकासा २०६९ जेष्ठ २७ गते शनिवार जुइ ।
थुगु मिस ज्यापु ब्यूटी पेजेन्टय् ब्वतिकाःपिनिगु प्रोफाइललिसें सकतां गतिविधि नेपालमण्डल डटकमय् उपलब्ध जुइसा 'मिस भ्यूअर्स'या उपाधि नं नेपालमण्डल डटकमय् अनलाईन भोटिङ्गपाखें हे ल्यइगु जूगु दु । लुमंकेबहःजु नेपालमण्डल डट कम अफिसियल वेबसाइट खः ।
Related Stories
मिस ज्यापु ब्यूटि पेजेन्ट २०१२ जुइगु
