भ्वतःया ऐतिहासिक चण्डेस्वरी जात्रा न्ह्यात
भ्वतःया ऐतिहासिक चण्डेस्वरी जात्रा आइतवाः निसें न्ह्याःगु दु । जात्राया न्ह्यापांगु दिं झिंप्यम्ह दुकुया बलि बिइया पुजा यायेधुंकाः जात्रा न्ह्याकूगु खः । जात्राया कन्हय् कुन्हु सुथय् मतः पुजा यानाः चण्डेस्वरी द्यः नापंच्वंगु जलेस्वर तक चण्डासुर दैत्ययात लिइगु प्रचलन दु । थ्वया लिपा भोक्षिभोयापिंसं पुजा याना राँके जुलुस पिथनि । थ्व पुजा हे चण्डेस्वरी जात्राया दकलय् महत्वपूर्ण पुजा खः । थुगु जात्राया निंतिं येँया लाय्कुपाखें न्ह्यापः फुत्ता जोगी वयेधुंकाः तीनधाराय् छम्ह च्वचेचा व ग्वंगः बलि बिया चण्डेस्वरी देगलय् वनाः देवी कायेत वनेगु चलन दु ।
जात्राया स्वन्हुया न्हि सुथय् रथय् द्यःयात बिराजमान याकाः भैरव कुण्डय् द्यःया ख्वाः सिइका बजारय् हइगु प्रचलन दु । भोक्षिभोया कन्यातय्सं गणेशस्थानय् लसकुस पुजा यानाः रथ सहर परिक्रमा याना लय्कु दरवारय् थ्यंकाः हँय्या बलि बिया पुजा याइ । थ्व लिपाः कलः दान पुजा यानाः सुथय् न्हापाः हे गणेसस्थान चण्डेस्वरी तक थ्यंकी ।
थुगु जात्रा चण्डासुर नांया दैत्य तेत्तिसकोती द्यः नापं भ्वतःया नगरवासीतय्त दुखः बिइगुलिइ दुखं मुक्त जुइत रक्तचन्दन वनय् बन चण्डेस्वरी माई प्रकत जुया दैत्ययात नास याःगु लसताय् देय्दसं भ्वतः नगरवासीतय्सं थुगु जात्रायात झःझः धाक न्ह्याकीगु चलन दु ।
वयाच्वंगु दु ।
किपा:- सुमित शाक्य
