कास्की जूगु जीप दुर्घटनाय् ११म्ह सित

कास्कीया धिताल गाविसय् आइतवाः सुथय् जीप दुर्घटना जुया झिंछम्ह सीगु दु । धिताल गाविसया भेडाबारीं हेम्जापाखे वनाच्वंगु ग १ ज ३२४८ नम्बरया जीप दुर्घटना जुया इपिं सीगु खः । दुर्घटनाय् न्हय्म्ह घटनास्थलय् व प्यम्ह वासः यायेगु झ्वलय् सीगु खः । सीपिं टेकबहादुर विक, बखत बहादुर विक, निलबहादुर विक, जगतबहादुर विक, बलराम गौतम, मिठू अधिकारी व असर्फि विक सीगु खः । ल्यं दनिपिं प्यम्हेसिया सनाखत जुइल्यं दनि ।

दुर्घटनाय् मेपिं प्यम्ह घाःपाः जूगु दु । घाःपाः जूपिन्त पोखरा स्थित मणिपाल व गण्डकी अस्पतालय् वासः जुयाच्वंगु दु । इमिगु अवस्था गम्भीर जूगु प्रहरीं धाःगु दु ।

News Location:

Related Stories

सेती खुसिइ वःगु खुसिबालं १४म्ह सित, यक्वः हे तनाच्वन