यलय् नेवाः पत्रकारतय् न्हूगु कार्यसमिति
नेवाः पत्रकार राष्ट्रिय दबू यल जिल्लाय् न्हूगु कार्यसमिति ल्यःया न्हापांगु अधिवेशन क्वचाःगु दु । यलया आदर्श कन्या निकेतन उच्च मा.विइ शनिवाः जूगु न्हापांगु अधिवेशनं रेडियो सगरमाथाया सुरज ब्यञ्जनकारया नायःसुइ सर्वसम्मतं न्हूगु कार्यसमिति ल्यःगु खः ।
यल कचाःया तदर्थ समितिया नायः सुरजवीर बज्राचार्यया सभापतित्वय् जूगु अधिवेशनं न्वकू पदय् रुबी श्रेष्ठ (मिर्मिरे एफ.एम.), छयाञ्जेय् विक्रम शाक्य (मेट्रो एफ.एम.) व दांभरी पदय् जुनीवज्र बज्राचार्य (नवज्योति एफ.एम.) ल्यःगु खः ।
अथेहे दुजःलय् राम चित्रकार (सगरमाथा टेलिभिजन., सुनिल बज्राचार्य (नवज्योति एफ.एम.), सुलिन्द्र शाक्य (इमेज च्यानल), भाइकाजी महर्जन (नेपालमण्डल टेलिभिजन), प्रकाश डंगोल (नेपालमण्डल टेलिभिजन), नविन थेचोमि (इसीआर एफ.एम.), सुरेश महर्जन (स्वतन्त्र फोटो पत्रकार) ल्यःगु दु ।
दबूया केन्द्रिय न्वकू सुनिल महर्जन व जुनीबज्र बज्राचार्यं न्ह्याकादी ज्याझ्वलय् दबूया सल्लाहकार धर्मरत्न शाक्य, नेपालभाषा मंका खलः यलया नायः किरण शाक्य, ललितपुर उद्योग वाणिज्य संघया प्रथम उपाध्यक्ष रविन्द्र ताम्राकार, नेवाः पत्रकार राष्ट्रिय दबूया नायः श्री कृष्ण महर्जनं थःथःगु नुगः खँ तयादीगु खः ।
(किपा : प्रेरणा शाक्य)
