चाबहिल क्षेत्र तनावग्रस्त

म्हिग बसं क्यलाः मोटरसाइकल गयाः वपिं निम्ह सिगू विरुद्ध स्थानियवासिन्दा सीपिनि छेँजः पाखेँ चाबहिलय् प्रदर्शन यानाच्वंगु दु ।

सुथंनिसें जुयाच्वंगु प्रदर्शनं अनया स्थिति तनावग्रस्त जुयाच्वंगु दु । तर, नापसं हे च्वनाच्वंगु प्रहरीं धासाः स्थिति नियन्त्रण यायेत छुं कुतः याःगु खनेमदु । आक्रोशित प्रदर्शनकारीतय्सं अन आः तक आपलं गाडीत तोडफोड याःगु दुसाः चाबहिल-गौशाला क्षेत्र अधिकांस पसःत नं बन्द जुयाच्वंगु खनेदु ।

म्हिग अन बा. २. ख. ११२ नम्बरया बसं बा. ३३. प. ७०३७ नम्बरया मोटरसाइकलयात ठक्कर नकूबलय् मोटरसाइकल गयाः वयाच्वंपिं उदयपुरया नीनिदँया सन्तोष राई व बुढानिलकण्ठ-५ या झिंखुदँया सुशील श्रेष्ठ सीगु खः ।