प्रधानमन्त्रीं राजीनामा मबिउतले एमाले सरकारय् मवनीगु
नेकपा (एमालें) प्रधानमन्त्रीं राजीनामा मबिउतले सरकारय् सहभागी मजुइगु क्वःछिउगु दु ।
न्हूगु बानेश्वरय् च्वंगु संविधानसभा भवनय् थौं च्वंगु स्थायी समितिया आकाझाकां च्वंगु मुँज्यां प्रधानमन्त्री डा. बाबुराम भट्टराई बहुमतीय प्रकृयापाखें निर्वाचित जूगु धासें आःया सरकारय् सहभागी मजुइगु अडान काःगु खः । मुँज्या लिपा नेता केपी शर्मा ओलीं प्रधानमन्त्रीं राजीनामा बिउसा सहमतीय प्रकृयापाखें सरकार दयेकेमाःगु धयादिल ।
डा. भट्टराई अन्तरिम संविधानया धारा ३८ या २ कथं बहुमतीय प्रकृयापाखें प्रधानमन्त्रीइ निर्वाचित जुयादीगु खःसा धारा ३८या १य् सहमतीय सरकार दयेकेगु व्यवस्था यानातःगु दु ।
