वर्तमान सरकारं हे संविधान जारी याइगु
सूचना नापं संचार मन्त्री राजकिशोर यादवं वर्तमान सरकारं हे संविधान जारी याइगु धयादीगु दु । सिंहदरवारय् थौं संचारकःमितलिसे खँल्हाबँल्हाया झ्वलय् वय्कलं उगु खँ धयादीगु खः ।
वर्तमान सरकारयात हे राष्ट्रिय सहमतिया सरकार दयेकेमाःगु न्ह्यथनादिसें वय्कलं सरकार विघटन मखुसे कांग्रेस एमाले वर्तमान सरकारय् सहभागी जुइगु विषयस जक दलतय्गु दथुइ सहलह जयाच्वंगु धयादीगु दु ।
थ्वहे दथुइ उर्जामन्त्री पोष्ट बहादुर बोगटीं नं वर्तमान सरकार विघटन मखुसे पुनःगठन जक जुइगु धयादीगु दु । कांग्रेस व एमाले वर्तमान सरकारय् सहभागी जुइगु न्ह्यथनादिसें वय्कलं वर्तमान सरकार हे राष्ट्रिय सहमतिया सरकार दयेकीगु नं धयादिल ।
