गच्छदार सहित स्वम्हेसित पदमुक्तयायेत सभामुखयात पौ
मधेशी जनअधिकार फोरमं नेता विजयकुमार गच्छदार सहित स्वम्ह नेतातय् सभासदया पद खारेज यायेत सभामुखयात पौ लःल्हाःगु दु ।
फोरम महासचिव रामसाहय यादवं च्वयादीगु उगु पौलय् नेता गच्छदार नापं नेतात शरदिसंह भण्डारी व रामजनम चौधरीयात पार्टी पाखें निश्कासन यायेधुंकूगुलिं अन्तरिम संबिधान बमोजिम पदमुक्त यायेत माग याःगु दु ।
अथेहे सभामुखयात लःल्हाःगु पौलय् फोरमं सरकारयात ब्यूगु समर्थन लित कायेधुंकूगुलिं प्रतिपक्षय् च्वनेगु व्यवस्था यायेत नं इनाप याःगु दु ।
नेता गच्छदारयात उपप्रधानमन्त्री पाखें पदमुक्त यायेत फोरमं प्रधानमन्त्रीयात नं पौ लःल्हाःगु दु । नापं फोरमं सरकारयत ब्यूगु समर्थन लितः काःगु पौ नं प्रधानमन्त्री नेपालयात लःल्हाःगु दु । थौं हे फोरमं निर्वाचन आयोगय् नं पार्टीपाखें न्ह्यम्ह नेतातय्त कारवाही यानाः निश्कासन याःगु जानकारी ब्यूगु दु ।
