न्हूगु सरकारया खँ हयाः संविधान दयेकेगु ज्या पंगः थनेत स्वःगु :प्रचण्ड
एकीकृत नेकपा माओवादीया नायः पुष्पकमल दाहाल प्रचण्डं नेपाली कांग्रेस व नेकपा एमालें न्हूगु सरकारया खँ हयाः संविधान दयेकेगु ज्याय् पंगः थनॆत स्वःगु द्वपं बियादीगु दु ।
थौं येँय् ग्वसाः ग्वःगु छगू ज्याझ्वलय् न्ववानादिसें नायः प्रचण्डं उगु खँ धयादीगु खः ।
वय्कलं वर्तमान सरकारं हे शान्ति प्रकृया निष्कर्षय् थ्यंकूगुिलं न्हूगु संविधान पित बीगु इलय् तक नं थ्वहे सरकार दयाच्वनीगु व थुकियात राष्ट्रिय स्वरुप बीमाःगु धयादिल ।
नायः प्रचण्डं सेना समायोजन जुइवं शान्ति प्रकृया क्वचाल धकाः थुइकेगु गलत जूगु धयादिसें बेपत्ता छानवीन आयोग सत्य निरुपण व पुनः निर्माण ज्या नं नापनापं क्वचायेमाःगु धयादिल ।
न्हू दयेकीगु संविधानय् देशया उत्पीडित जाति क्षेत्र व लिङ्गयात अधिकार बीगु विषयस फुक्क दलत छगू हे थासय् वयेधुंकूगुिलं थुकी शंका मयायेत नं नायः प्रचण्डं सकलसित इनाप यानादिल ।
