अविश्वासया प्रस्ताव सामना यायेगु
सत्तारुढ एकीकृत नेकपा माओवादी व संयुक्त मधेसी लोकतान्त्रिक मधेसी मार्चां सरकार विरुद्धया अविश्वासया प्रस्ताव हःसा उकिया सामना यायेत तयार दुगु धाःगु दु ।
कांग्रेस एमालें सरकार विरुद्ध अविश्वासया प्रस्ताव दर्ता यायेगु तयारी यानाच्वंगु इलय् माओवादी मधेसी मोर्चाया थौं च्वंगु मुँज्यां थुकथं क्वःछिउगु दु ।
मधेसी जनअधिकार फोरम गणतान्त्रिकया कार्यवाहक नायः राजकिशोर यादवं अविश्वासया प्रस्ताव हयेगु धइगु शान्ति व संविधानयात स्यंकेगु व प्रतिक्रान्तिया षडयन्त्रयात तिबः बीगु जूगुिलं उकिया सामना यायेत थःिपं तयार जुइगु धकाः क्वःछिनागु धयादिल ।
माओवादी व मधेसी मोर्चां वर्तमान सरकारय् ब्वति कयाः राष्ट्रिय स्वरुप बीत कांग्रेस व एमालेयात आह्वान नं याःगु दु । संविधान दयेकेगु झ्वलय् खनेदुगु विवादयात चीकेगु नापं कांग्रेस व एमालेयात विश्वासय् हयाः सहमतिया लागि कुतः यायेगु नं क्वःछिउगु दु ।
