प्रधानमन्त्रीपाखें आन्दोलन दिकाः वार्ताय् वयेत इनाप
अखण्ड सुदुर पश्चिमया माग यासें याःगु बन्दया हुिनं थौं नं सुदुर पश्चिमया जनजीवन प्रभावित जूगु दु ।
बन्दया हुिनं थौं नं सुदुर पश्चिमया थी थी जिल्लाया जनजीवन प्रभावित जूगु खः । एकीकृत माओवादीं याःगु १० गू प्रदेशया प्रस्तावया विरुद्ध छुं िदं न्ह्यःनिसें अखण्ड सुदुर पश्चिमया माग यासें अनिश्चितकालीन बन्दया आह्वान याःगु खः । थुगु बन्दयात कांग्रेस एमाले लिसेंया दलत व भातृसंगठनतय्सं समर्थन याःगु दु । थ्वहे दथुइ थारु मुक्ति मोर्चांया बन्दया हुिनं थौं चितवन दाङ्ग लिसेंया जनजीवन प्रभावित जूगु दु ।
अथेहे ब्राह्मण समाज नेपाल खस क्षेत्री एकता समाज लिसें थी थी च्यागू जातीय संगठनं आह्वान याःगु पूर्वांचल बन्दया हुिनं थौं उगु क्षेत्रया जनजीवन प्रभावित जूगु दु ।
ब्राह्मण क्षेत्री लिसेंया जनजातियात मूल आदिवासी जातिया धलखय् तयेमाःगु राज्य पुनःसंरचना यायेगु इलय् जातीय आधारय् मयासे भौगोलिक आधारय् यायेमाःगु आदि माग तयाः पूर्वान्चल बन्दया आह्वान याःगु खः ।
बन्दया हुिनं पुर्वान्चलया झापा मोरङ्ग सुनसरी लिसें १६ गू जिल्लाया जनजीवन पूवंक हे प्रभावित जूगु ब्राह्मण समाजया केन्द्रीय दुजः टीका खरेलं जानकारी बिउगु दु ।
अथेहे बम मुयाः प्यम्ह मिथिला आन्दोलनकारी सीवं आक्रोशित जूगु जनकपूर नगर थौं नं बन्द जूगु दु । थौं न्हिनय् अनया रामानन्द चुकय् राय्लि पिकयाः उगु घटनाया विरोध याःगु दु ।
थ्वहे झ्वलय् प्रधानमन्त्री डा. बाबुराम भट्टराईं थी थी मागत तयाः प्रदर्शन याना वयाच्वंगु पुचःयात वार्ताय् वयेत इनाप यानादीगु दु । थौं छगू विज्ञप्ती पिथसें प्रधानमन्त्री डा. भट्टराईं थी थी मागत तयाः बन्द लिसेंया विरोधया ज्याझ्वः याःपिन्त ज्याझ्वःत लित कयाः वार्ताय् वयेत इनाप यानादीगु खः ।
वार्ता व खँल्हाबँल्हाया माध्यमं हे समस्या ज्यनीगु जूगुिलं जनतायात दुःख बीगु कथं बन्द लिसेंया आन्दोलन मयायेत इनाप नं यानादीगु दु ।
