उपत्यका विकास आयुक्तय् स्थापित
सरकारया काठमाण्डौं उपत्यका विकास आयुक्तय् पुलांम्ह मेयर केशव स्थापितयात नियुक्त याःगु दु ।
मन्त्रिपरिषदया शुक्रवाः च्वंगु मुँज्याय् स्थापितयात आयुक्तय् नियुक्त याःगु खः । येँया पुलांम्ह मेयर स्थापित थःगु कार्यकालय् लोकह्वाःगु खः । वय्कःया हे कार्यकालय् अतिक्रमण यानातःगु संरचना थुंगु खःसा माइतीघर मण्डला दयेकूगु खः ।
सरकारं नकतिनि हे जक उपत्यका नगर विकास समितियात विघटन यानाः काठमाण्डौं उपत्यका विकास प्राधिकरण दयेकूगु खः । नगर विकास समिति विघटन लिपा येँया सतक विस्तार यायेगु ज्या प्रभावित जूगु खः ।
