अडानय् हे जक मच्वनेत सभामुखपाखें दलतय्त सुझाव
संविधानसभाया नायः सुवासचन्द्र नेम्वाङ्गं संविधान निर्माणया लिपांगु इलय् अडान जक हे मकायेत राजनीतिक दलतय्त सुझाव बियादीगु दु । शुक्रवाः येँय् ग्वसाः ग्वःगु छगू ज्याझ्वलय् न्ववानादिसें वय्कलं उगु खँ धयादीगु खः ।
नापं वय्कलं फुक्क दलं थःथःपिनिगु स्वार्थ त्याग यानाः शान्ति प्रकृया व संविधान निर्माणय् न्ह्यज्यायेत इनाप यानादीगु दु । वय्कलं अप्वःथें विषयस सहमति याःसा नं राज्य पुनर्संरचनाय् दलतय्गु दथुइ विवाद शुरु जूगुयात लक्षित यानादिसें जेठ १४ गते दुने संविधान दयेके सिधयेकेत दलत जानाः वनेगुया विकल्प मदुगु नं धयादीगु दु ।
