कांग्रेस संघीयता विरोधी मखु : कोइराला
नेपाली कांग्रेसया सभापति सुशील कोइरालां कांग्रेस संघीयता विरोधी मजूगु खँ धयादीगु दु ।
जातीय पहिचान लिसेंया संघीयता लागू यायेत माग यासें आन्दोलन याना वयाच्वंगु नेपाल आदिवासी जनजाति महासंघं सभापति कोइरालाया छेँ महाराजगंजय् लःल्हाःगु ज्ञापन पौ कयादिसें संघीयताया बारे म्वाःमदुकथं शंका मयायेत नं सभापति कोइरालां सकलसित इनाप यानादिल ।
वय्कलं नेपालय् दुगु आदिवासी जनजाति, दलित, मधेसी नापं मेमेगु उत्पीडित फुक्क जातियात संबोधन याइ कथं संघीयता लागू जुइगु दावी तकं यानादिल ।
ज्ञापनपौ लःल्हाःवंगु आदिवासी जनजाति महासंघया प्रतिनीधितय्सं सभापति कोइरालायात थःपिन्सं तयार याःगु ज्ञापन पौ लःल्हासें एमाले व कांग्रेसं न्हय्गू प्रदेश दयेकेगु धइगु बारे याःगु सम्झौता थःपिन्त मान्य मजुइगु ख्याच्वः तकं बिउगु खः ।
