खनाल व नेपालयात हाकूगु ध्वाँय्
जनआन्दोलनय् घाःपाः जूपिं नापं उमिगु छेँजःपिन्सं नेकपा (एमाले)या नायः झलनाथ खनाल व वरिष्ठ नेता माधव कुमार नेपालयात हाकूगु ध्वाँय् क्यन ।
कास्कीया पोखराय् शुक्रवाः निसें न्ह्याःगु अखिल नेपाल महिला संघया खुक्वःगु राष्ट्रिय सम्मेलनया उलेज्या यायेत पोखरा थ्यंकवःपिं नायः खनाल व नेता नेपालयात पोखरा विमानस्थलय् हे हाकूगु ध्वाँय् क्यंगु खः ।
संविधान जारी जुइ न्ह्यः पोखरा वइपिं नेता नापं सभासद्तय्त हाकूगु ध्वाँय् क्यनेगु न्हापा हे घोषणा यानातःगु ज्याझ्वः कथं हे जनआन्दोलनया घाःपाः व उमिगु छेँजःपिन्सं हाकूगु ध्वाँय् क्यंगु खः ।
