थीथी क्याम्पस न्ह्यःने विद्यार्थीतयगु प्रदर्शन
येँया चाबहिलय् च्वंगु पशुपति क्याम्पसय् बिहीवाः अनेरास्ववियु व नेविसंघ दथुइ जूगु ल्वापुयात कयाः शुक्रवाः सुथय् थीथी क्याम्पस न्ह्यःने निगुलिं विद्यार्थी संगठनं विरोध प्रदर्शन याःगु दु ।
नेविसंघं त्रिचन्द्र क्याम्पस, पशुपति बहुमुखि क्याम्पस, रत्नराज्य लक्ष्मी क्याम्पस, सरस्वती क्याम्पस, अमृत साइन्स क्याम्पस लिसें थीथी क्याम्पसय् प्रदर्शन याःगु खःसा उगु हे थासय् अनेरास्ववियुं नं विरोध प्रदर्शन याःगु खः ।
प्रदर्शनया झ्वलय् चाबहिलय् छगः सरकारी सवारी साधन तोडफोड याःगु खःसा छगः सरकारी मोटरसाइकल च्याकूगु प्रहरीं न्ह्यथंगु दु ।
नेविसंघं पशुपति क्याम्पसय् जूगु थःपिनिगु ज्याझ्वलय् ल्वाभः लिसें अनेरास्ववियुया कार्यकर्तातय्सं आक्रमण याःगु द्वपं बिउगु दुसा अनेरास्ववियुं थः कार्यकर्तातपाखें अज्याःगु ज्या मयागु दावी याःगु दु ।
