त्रिविनाप स्वापु बांलाकेत किपूमितय् ग्वाहालि समिति
त्रिभुवन विश्वविद्यालयनाप स्वापु बांलाकेगु व समस्यायात दीर्घकालीन समाधानया निंतिं किपूमितय्सं ग्वाहालि समिति नीस्वंगु दु । स्थानीय सम्भुराम महर्जनया संयोजकत्वय् स्थानीय रुपं क्रियाशील राजनीतिक दल, त्रिवि पीडित सङ्घर्ष समिति, नागरिक सरोकार केन्द्रया स्वम्ह-स्वम्ह दुजः दइगु कथं ग्वाहालि समिति नीस्वंगु खः ।
त्रिवि नीस्वंगु इलय् किपूमिनापं जूगु सम्झौतात त्रिविं थौं तक कार्यान्वयन मयागुलिं किपूमिंतय्सं ताः ई निसें सङ्घर्ष यानावयाच्वंगु खः । त्रिवि नींस्वगु इलय् किपूमिंतय्गु जग्गा सरकारं अधिग्रहण याना मुआब्जा कथं त्रिविलय् जागिरय् तयाबिइगु धकाः याःगु सम्झौता अझ नं कार्यान्वयन मजूनीगु खँ किपूमिंतय्सं धाःगु दु ।
