एमालें लेबी बुझे मयाःपिं नेतातय्त राजनीतिक नियुक्ति मयाइगु
नेकपा (एमाले)या पार्टी मुख्यालय बल्खुइ शुक्रवाः च्वंगु केन्द्रीय लेखापरीक्ष आयोगया झिंनिक्वःगु मुँज्यां लेबी बुझे मयाःपिं थः पार्टीया नेतातय्त राजनीतिक निकायलय् नियुक्ति मयायेगु निर्णय याःगु दु । राजनितिक नियुक्ति काःपिं व विदेश भ्रमणय् वःपिं मनूतय्सं पार्तीयात बुझे यायेमाःगु धेबाः बुझेमयाःगु हुनिं अज्याःगु निर्णय यायेमाःगु खँ एमालेया लेखापरीक्ष आयोगं धाःगु दु ।
थुगु विषयस अध्ययन यायेत मुँज्यां आयोगया सचिव विष्णु बहादुर राउत, विरोध खतिवडा, विष्णु पन्थी, बलराम बाँस्कोटा व नरेश पोखरेल दुथ्याःगु छगू छानबिन समिति नं नीस्वंगु दु । मुँज्यां नेतात व जनवर्गीय संगथनया नांमय् दुगु पेश्की फस्योटया निंतिं केन्द्रीय नेतृत्व नापं आर्थिक विभागयात ताकेता याइगु जुगु दु ।
नापं बक्यौता फस्योट यायेत अतेरी याःपिंनिगु नामावली सार्वजनीक यायेगु प्रक्रिया न्ह्याकेगु निर्णय नं याःगु दु । अथेहे पार्टी केन्द्रीय कोषया ज्याः व्यवस्थित यायेत वइगु महिनानिसें मासिक आन्तरीक लेखापरीक्षण यायेत आन्तरीक पुचः नं नीस्वंगु दु ।
