निन्हुया भिटामिन अभियान क्वचाल
खुला निसेंया न्यादँतकया मस्तय्त बिहीवाः नं भिटामिन 'ए' व किमिया वासः नकल । बुधवाः निसें न्ह्याःगु उगु अभियान अन्तरगत निन्हुया दुने स्वीस्वंगु लख मस्तय्त भिटामिन 'ए' क्याप्सुल व उकीमध्ये दच्छिनिसें न्यादँतकया थ्यं मथ्यं स्वीगू लख मस्तय्त किमिया वासः नकूगु स्वास्थ्य नापं जनसंख्या मन्त्रालयं न्ह्यथंगु दु ।
उगु अभियान अन्तरगत देय् न्यंकया खोप केन्द्रय् बुधवाः वासः नके त्वःफिउिपं मस्तय्त बिहीवाः भिटामिन 'ए' व किमिया वासः नकूगु खः । वासः नकेगु ज्या स्थानीय मिसा स्वास्थ्य स्वयम् सेविकतय्सं याःगु खः ।
