राष्ट्रिय सरकार दयेकेत राष्ट्रपतिपाखें प्रधानमन्त्रीयात सुझाव
राष्ट्रपति डा. रामवरण यादवं न्हूगु संविधान जारी जुइ न्ह्यः राष्ट्रिय सहमतिया सरकार दयेकेत प्रधानमन्त्री डा. बाबुराम भट्टराईयात सुझाव बिउगु दु ।
राष्ट्रपतियात नापलायेत थौं सुथय् शीतल निवासय् थ्यंकादीम्ह प्रधानमन्त्री डा. बाबुराम भट्टराईयात राष्ट्रपति डा. यादवं उकथं सुझाव बियादीगु खः ।
राष्ट्रपति डा. यादवं फुक्क दलत सरकारय् दुथ्याकाः संविधान जारी याःसा बांलाःगु सन्देश वनीगु जूगुिलं फुक्क दलतय्त सरकारय् सहभागी याकाः न्हूगु संविधान जारी यायेत सुझाव बियादीगु प्रधानमन्त्रीया प्रेस सल्लाहकार रामरिझन यादवं जानकारी बियादिल ।
लिसलय् प्रधानमन्त्री डा. बाबुराम भट्टराईं थः न्हापांनिसें हे राष्ट्रिय सहमतिया सरकारया पक्षय् दुगु खःसां बाध्यात्मक स्थितिया कारणं बहुमतिय सरकार दयेकेमाःगु जानकारी बियादिल ।
नापलायेगु झ्वलय् प्रधानमन्त्री डा. भट्टराईं हात्तीबन रिसोर्टय् मू मू दलत दथुइ ब्यापक कथं राज्य पुनःसंरचना राज्यशक्ति बाँडफाँड निर्वाचन प्रणाली न्यायालय व नागरिकताया विषयस सहलह जुयाः थ्यंमथ्यं अन्तिम अवस्थाय् थ्यनेधुंकूगु राष्ट्रपतियात जानकारी बियादिल । अथेहे मुँज्याय् उगु विषयस व्यापक सहलह जूगुिलं सहमति मालेत यक्व हे ग्वाहालि जूगु व छुं िदं लिपा हे सकारात्मक लिच्वः वइगु नं जानकारी बियादिल ।
राष्ट्रपति डा. यादवं शान्ति प्रकृयाय् लिपांगु खुसी जूगु सहमतियात कयाः लसकुस यानादिसें थुकथं हे संविधानय् दयाच्वंगु विवादया विषयस नं दलतय्सं सहमति मालीगु विश्वास प्वंकादिल ।
