अन्तरसंघर्ष व गुटबन्दीं देय्यात फाइदा :प्रचण्ड
एकीकृत नेकपा माओवादीया नायः पुष्पकमल दाहाल प्रचण्डं माओवादी दुने अप्वया वनाच्वंगु अन्तर संघर्ष व गुटबन्दीया हुिनं देशयात सकारात्मक लिच्वः लाःगु धयादीगु दु ।
पार्टीया विवादया हुिनं हथासं सेना समायोजन क्वःजिउगु धयादिसें नायः प्रचण्डं गुटबन्दी व विवाद अप्वया वंसा संविधान नं क्वःछिनातःगु ई स्वयां न्ह्यः हे दइगु धयादिल ।
संस्थापन पक्षया कार्यकर्ता प्रशिक्षणया लागि भ्वँत थ्यंकादीम्ह नायः प्रचण्डं संचारकःमितलिसे खँल्हानादिसें संविधानया विवादीत विषयस दलत दथुइ तत्काल सहमति मजूसा प्रकृयागत कथं न्ह्याःवनीगु जानकारी बियादिल ।
संविधानया विवादित विषयस क्वःमजीकं राष्ट्रिय सहमतिया सरकार दयेकेमफइगु धयादिसें नायः प्रचण्डं संविधानय् दयाच्वंगु विवाद ज्यनेधुंकाः दयेकीगु सहमतिया सरकारया नेतृत्व तःधंगु पार्टीया ल्याखं माओवादीं नेतृत्व याइगु नं दावी यानादिल । सहमतिया सरकार न्हापां माओवादीं नेतृत्व यायेधुंकाः लिपा मेमेगु पार्टीं पालंपाः सरकारया नेतृत्व याइगु नं जानकारी बियादिल ।
भ्वँतय् जूगु प्रशिक्षण ज्याझ्वलय् नायः प्रचण्डया लिसें ताम्सालिङ्ग राज्य समितिया इन्चार्ज अग्नी सापकोटां प्रशिक्षण बियादीगु खः ।
थ्वहे झ्वलय् मोहन वैद्य पक्षं धाःसा वइगु ८ गते अलग्ग हे प्रशिक्षण ज्याझ्वः याइगु जूगु दु ।
