लोकतान्त्रिक मूल्य मान्यताया लागि सुंलिसे नं सम्झौता मयायेगु
नेपाली कांग्रेसया सभापति सुशील कोइरालां कांग्रेस प्रजातन्त्र व लोकतान्त्रिक मूल्य व मान्यताया लागि सुंलिसे नं सम्झौता मयायेगु धयादीगु दु ।
खोताङ्गया दिक्तेलय् ग्वसाः ग्वःगु ज्याझ्वलय् सम्बोधन यानादिसें सभापति कोइरालां उगु खँ धयादीगु खः ।
थौं सुथय् ग्वसाः ग्वःगु ज्याझ्वलय् सभापति कोइरालां लोकतान्त्रिक मूल्य मान्यताय् आँच वइगु ज्या याईपं न्ह्याम्ह जूसां नं कांग्रेसं मत्वःतेगु ख्याच्वः तकं बियादिल ।
वय्कलं दलत दथुइ लिपांगु खुसी शान्ति प्रकृयाया मू पाताया कथं दयाच्वंगु लडाकू ल्वाभः व शिविर नेपाःया सेनायात लःल्हायेगु विशेष समितिया क्वःछिना ऐतिहासिक जूगु धयादिसें याकनं हे समायोजनया ज्या क्वचाइगु व क्वःछिनातःगु इलय् हे देशं संविधान कायेदइगु धयादिल ।
सभापति कोइरालां दलत दथुइ हात्तीबनय् मू मू स्वंगू दलत व मधेसी मोर्चानाप जूगु गोप्य मुँज्याय् दलत विवाद दयाच्वंगु विषयस सहमति लिक्क थ्यंगुिलं नं संविधान वइगुलिइ थः विश्वस्त दुगु धयादीगु दु ।
वय्कलं एकीकृत नेकपा माओवादी लिपांगु दिनस छुं इमान्दार जुयाः वःगुिलं जटिल विषयस निर्णय कायेत भचा अःपूगु नं धयादिल ।
